星期五晚多得Duncan臨時變卦，著到鬼火咁靚既我係佢個Apartment我度睇Blu-ray Planet earth (BBC) 飲左兩杯吸左兩口，就咁KO! 走時更加是暈住落樓，Weeeeeeeeee+白畫面，很Scary!
星期六在家休息看Harry Potter (波大+Hairy… by H.Su)，下午午睡，晚上陪他打WOW，我也有玩啊[Human Mage level-8)。
今個Weekend我千呼萬喚一定要出戶外活動，星期六休息完，星期日出動，他打算去大浪西灣，其實我想直接到沙灘去，但我知道無論是南深淺赤石都應該濟滿了人，無奈地只好答應他。小巴+巴士，差不多三點才到黃石碼頭 (汗)。
到達碼頭還要被船家老屈! 到赤徑要$100，直接到鹹田灣要$230 (單程)!! 最後和四位到塔門的人同船他才肯收$80。在烈日之下行了 800m 上山，其辛苦的程度，令到徐生最終都認衰，說之後包船回黃石及請食飯(我其實一早都無預過要俾錢架喎!)~~~ 一早話左唔好行山架啦! 心臟負荷不來啊!
差不多四時十五分才到鹹田灣，太陽仍然猛烈，沙灘上只有少數人，(沿途上很多回程人士 / 到沙灘時又有數十人乘船離開)，水很溫暖，沙很幼! (最討厭淺水灣的粗沙!) 玩了一陣水，曬了一會太陽，問過有船回西貢就寬心繼續玩，不過時間不久，我們怕晚一點走要包船, 所以未夠六時便和另外四名旅客起程回黃石。
在西貢吃完晚飯就回家看Harry Potter(我第一本書還只看了一半…)，總括而言是曬黑了一點點，回家敷了L’Oreal White Perfect 精華MASK，塊面真係立即白了(勁)!!
下星期再去曬先!! 
